Cynllunio
Cynlluniwch eich gwyliau cerdded perffaith yma. Gallwch ddod o hyd i lety sy'n addas i chi, o bodiau gwersylla i westai clasurol yn y wlad, o leoedd hunanarlwyo modern i wely a brecwast clud, o dafarnau cyfeillgar i hostelau i gerddwyr mewn adeiladau hanesyddol anarferol ac hyd yn oed gastell!
Beth am gwt bugail yn swatio o dan y coed mewn perllan afalau? Neu wersyll lle gallwch fynd yn ôl i fyd natur gerllaw'r Afon Gwy lle mae'r awyr yn dywyll a'r sêr yn pefrio heb unrhyw lygredd golau? Neu beth am eich sbwylio eich hun drwy aros mewn bwyty ac ystafelloedd gwely sydd wedi ennill sêr Michelin, lle gweinir prydau wedi eu coginio â bwyd lleol wedi ei flasu â phlanhigion a pherlysiau a fforiwyd yn ffres o'r dyffryn.
Gallwch chwyddo'r map isod i ganfod lleoedd i aros ynddynt, neu gerllaw iddynt, ar y llwybr.
(Os ydych yn darparu llety ac yr hoffech gael eich cynnwys, anfonwch e-bost at information@wyevalleyaonb.org.uk os gwelwch yn dda.)
